 |
|
登录注册 |
| ☦ 北京第二外国语学院论坛 > 语种交流 > 浏览当前帖子 | 手机版 - 认证发帖 - 隐藏左侧栏 |
| 苏格兰语文章，你能看懂多少？ | |
| 【返回本版】 【发表帖子】 【回复帖子】 | 浏览量 1296 回帖数 0 |
 |
疯狂的CEO 等级 瓶子 楼主 发表于 2013/5/22 22:52:10 编 辑 |
|
|
Walcome tae Lowlands-L! Lowlands-L is an automatet warldwide electronic mail leet fur thaim that is interestet in the leids an cultures o the lawlands boondin the coast o the North Sea an o the Baltic Sea (here-efter "Lawlands." Lowlands-L yuises Listserv at LINGUIST. Its awner is Reinhard (Ron) Hahn. The''r nae siller nott for subscreivin. The forehaund airtin o Lowlands-L is on the Germanic leids an their cultural environments that his the Lawlands fur their hame grund (Dutch, Zeelandic, Flemish, Frisian, Laich Saxon [Laich German], Limburgish), forbye thaim that breardet frae thae leids or frae their fore-rinners an is yuised ithergaits (Afrikaans, Lawlands emigré bye-leids, Lawlands-foondit pidgins an creoles, as weel as English an Scots). Ither leids an their cultural environments can be brocht intae the communin forbye. Tho we dinna think on them as Lawlan leids, we div aften haud furth on German, Luxembourgish, Yiddish, Scandinavian, Gothic an the like, espaecially whan it comes tae etymology an history. In parteeclar, northern kinds o German that''s influenced bi Nethersaxon (the likes o Missingsch) we see as gey interestin, as weel as Nethersaxon influences on Scandinavian an ony ither leids. The forehaund ettles o Lowlands-L tae faceelitate warldwide traffeck and complouterin amang thaim that is interestet in Lawlands leids, cultures an siclike maitters tae forder and faceelitate research an learin o Lawlands leids an cultures tae forder the yuise o Lawlands linguistic an cultural data in general research an furthsettins tae uphaud fends tae hain, re-envieve an forder Lawlands leids or by-leids doon-haudet or dwinin awa. tae tak tent tae minoritie Lawlands leids an cultures, includin thaim that is nae gien offeecial recogneetion tae ser as a forum fur the explore o jint an sindrie meiths in Lawlands leids an cultures tae gie the tid tae enjoy an forder mutual intelligibility amang Lawlands leids in monie-leidit communin tae souder linguistic, cultural an social ties amang yuisers o Lawlands leids, their kinsfowk an freens Mense Aw dalins maun be in a mainnerlie and freenlie souch. Traffeck frae bodie tae bodie shid be cairriet on private-like. Yuisers can enwitten ithers o pertinent furthsettins, saftware, conveneries, programs or peyed jobs, bit nae commercial propalement is allooed. The ootcome o searches cairriet on through Lowlands-L shid be postit in summary furm, wi awnin o aw inpit. There is free walin o leid in Lowlands-L postins, bit the follaein leids is wantit maistAfrikaans, Dutch, Zeelandic, Flemish, Limburgish, Frisian (onie by-leid), Laich Saxon, English an Scots. Rules an Wysins (in English) Disclaimer (in English) Subscrievin? Click here! |
||
| 1 |
| 论坛帮助 会员认证删帖申请 联系我们 |